Rusiyanın Penza vilayətində Orta Asiya – Mərkəz yeraltı qaz xəttində partlayış baş verib.
Gündəm24.az xəbər verir ki, bu barədə Rusiya mətbuatı məlumata yayıb.
Məlumata görə, hadisə Volçkovo kəndi ərazisində qeydə alınıb. Partlayışdan sonra güclü yanğın yaranıb. Hətta alovların hündürlüyü 70 metrə qədər qalxıb.
Hadisə nəticəsində ölən və xəsarət alan olmayıb.
Qeyd edək ki, bu boru kəməri Mərkəzi Asiya ölkələrinin – Türkmənistan, Özbəkistan və Qazaxıstanın yataqlarını Rusiya və Avropa ilə birləşdirir. Xəttin uzunluğu təxminən 5000 kilometrdir.
