ABŞ Prokurorluğu Donald Trampa qarşı 2020-ci il seçkilərinə müdaxilə ilə bağlı başlanan cinayət işinə xitam verib.
Gündəm24.az Globalinfo.az-a istinadən xəbər verir ki, bu barədə məhkəməyə təqdim olunan sənəddə bildirilir.
Sənəddə qeyd olunur ki, ştat hakimiyyəti iş materiallarının diqqətlə araşdırılmasından, müvafiq qanunvericilik və məhkəmə təcrübəsinin təhlilindən sonra cinayət işinin dayandırılmasını tələb edib.
Bu ilin martında Trampın keçmiş müşaviri Stiv Bannon bildirib ki, əgər növbəti seçkilərdə Demokrat namizəd qalib gəlsə, Tramp həbs olunacaq.
Xatırladaq ki, Demokrat Co Baydenin prezidentliyi dövründə Donald Trampa qarşı dörd cinayət işi açılıb. Onun barəsində irəli sürülən ittihamlar arasında 2021-ci ilin yanvarında Kapitolidə baş verən hadisələrdən sonra 2020-ci il seçkilərinə müdaxilə, Corciya ştatında seçki nəticələrinin ləğvinə cəhd və gizli sənədlərin qanunsuz saxlanılması da var idi.
