Hindistanın Tamil Nadu əyaləti min illərdir açılmayan İndus yazısını oxuyan şəxsə 1 milyon dollar mükafat vəd edib.
Gündəm24.az xəbər verir ki, İndus yazısı gil və kiçik daşlara yazılmış qısa işarələrdən ibarətdir və insanlıq tarixinin ən böyük sirrlərindən sayılır. Yazılar əsasən möhürlər və qabların üzərində tapılır. Hər sətrdə ortalama beş işarə olsa da, onların mənası hələ tam anlaşılmayıb. Alimlər bu işarələrin səs və ya sözləri təmsil edib-etmədiyi barədə hələ də mübahisə aparırlar.
Ən böyük çətinlik yazının çox qısa olması və “iki dilli” nümunənin tapılmamasıdır. Yəni Rosetta Daşı kimi eyni mətn başqa bir dildə olmadığı üçün işarələrin asanlıqla tərcüməsi mümkün deyil. Tədqiqatçılar yalnız ehtimallar üzərində işləyə bilirlər.
Tamil Nadu hökuməti yazını açan şəxsə 1 milyon dollar mükafat verəcəyini açıqlayıb. Yarışma həm alimlərə, həm də həvəskar araşdırıcılara açıqdır. Mükafatın verilməsi arxeoloqlar tərəfindən təsdiqlənəcək.
Araşdırmalar göstərir ki, bu işarələr təsadüfi deyil, müəyyən qaydalara əsaslanan bir dildir. İndus Vadisi Mədəniyyəti dövrünün ən inkişaf etmiş cəmiyyətlərindən biri olub. Yazının açılması antik dünyanın həyatına yeni işıq sala və dilin hansı dil ailəsinə aid olduğunu müəyyənləşdirə bilər.
Bu mükafat qədim tarixə və dillərə marağı olanlar üçün unikal fürsətdir.
