ABŞ Prezidenti Donald Tramp Rusiya, Çin və Türkiyənin ABŞ/İsrailin İrana qarşı müharibəsində iştirak etməmək qərarını yüksək qiymətləndirdiyini bildirib.
Gündəm24.az xəbər verir ki, Tramp bildirib ki, insanların çoxu Türkiyənin hərbi gücünü tam qiymətləndirmir və ölkənin bu sahədə kifayət qədər güclü olduğunu düşünür. O, həmçinin NATO sammitində Ərdoğana hörmət əlaməti olaraq iştirak edəcəyini qeyd edib.
ABŞ liderinin sözlərinə görə, Ərdoğan İranla bağlı gərginlik fonunda müharibəyə qoşulmaq ehtimalı yüksək görünən liderlərdən biri idi və hətta müəyyən şərtlərdə İranın mövqeyinə yaxın dayana biləcəyini deyib. Tramp bunu Ərdoğanın İsrailə münasibəti ilə əlaqələndirib.
Bununla yanaşı, Tramp qeyd edib ki, Ərdoğandan hərbi müdaxilədən kənarda qalmağı xahiş edib və Türkiyə prosesə qoşulmayıb. O, Ərdoğanı “nüfuzlu lider” və “mənim dostumdur” sözləri ilə xarakterizə edib.
