Anna Akopyanın fondu 2024-cü ili zərərlə başa vurub
Ermənistan baş naziri Nikol Paşinyanın xanımı Anna Akopyanın rəhbərlik etdiyi “Mənim addımım” fondu 2024-cü ilin yekunlarına görə 1,62 milyon dram (təxminən 4,2 min dollar) məbləğində zərər barədə hesabat verib.
Gündəm 24.az xəbər verirki , bu barədə erməni KİV-ləri təşkilatın maliyyə hesabatına istinadən xəbər yayıb.
Fond təxminən 1,2 milyon dram mənfəət vergisi ödəyib, lakin onun gəlirləri xərcləri qarşılamayıb. Bu, mənfi maliyyə nəticəsinə gətirib çıxarıb. Müntəzəm xeyriyyə tədbirləri və biletləri 1 milyon dram olan şam yeməklərinə baxmayaraq, fondun fəaliyyətinin səmərəliliyi şübhə doğurur.
Fondun rəsmi saytında 2024-cü il üçün layihələr arasında “Təhsil dəbdədir” proqramı və tələbələrin Çinə göndərilməsi daxil olmaqla təhsil təşəbbüsləri göstərilib.
