Belarus Xarici İşlər Nazirliyi Ermənistanın bu ölkədəki müvəqqəti işlər vəkili Artur Sərkisyanı nazirliyə çağırıb.
Gündəm24.az xəbər verir ki, Ermənistanın Belarusdakı müvəqqəti işlər vəkilinə rəsmi etiraz bildirilib və nota təqdim olunub. Buna səbəb kimi İrəvanın son “qeyri-dost addımları” göstərilib.
Qeyd edək ki, Ermənistan parlamentinin sədri Alen Simonyan Belarusla bağlı tənqidi açıqlamalar səsləndirmişdi.
Xatırladaq ki, tərəflər Avrasiya İqtisadi İttifaqı və Kollektiv Təhlükəsizlik Müqaviləsi Təşkilatı çərçivəsində əməkdaşlıq etsələr də, son dövrlər münasibətlərdə gərginlik müşahidə olunur/Metbuat.az
