Pakistanın şimal-qərbində yerləşən Lakki Mərvət rayonunda insanların sıx olduğu bazarda güclü partlayış baş verib. Hadisə nəticəsində əraziyə ciddi ziyan dəyib və mülki şəxslər hədəf alınıb.
NOCOMMENT.az xəbər verir ki, ilkin məlumatlara görə, partlayış nəticəsində azı 7 nəfər həyatını itirib. Ölənlərdən 2-sinin polis əməkdaşı, 5-nin isə mülki şəxs olduğu bildirilir.
Hadisə zamanı bir neçə nəfər müxtəlif dərəcəli bədən xəsarətləri alaraq xəstəxanalara yerləşdirilib. Yaralıların dəqiq sayı hələlik rəsmən açıqlanmasa da, bölgədə təhlükəsizlik tədbirləri gücləndirilib və faktla bağlı araşdırmalara başlanılıb.
