Gündəm24.az xəbər verir ki, İran Xarici İşlər Nazirliyinin rəsmi nümayəndəsi İsmayıl Bəqai ABŞ administrasiyasının jurnalistlərə tətbiq etdiyi qadağaları kəskin tənqid edib.
İranlı diplomat Vaşinqtonun azad mətbuata mane olmaqla həqiqəti gizlətməyə çalışdığını vurğulayıb:
“Administrasiya qapılarını özünün bəyənmədiyi amerikalı jurnalistlərin, eləcə də səslərini boğmağa üstünlük verdiyi xarici müxbirlərin — o cümlədən İran Prezidentinin mətbuat xidməti nümayəndələrinin üzünə bağlayırsa, burada artıq informasiyaya çıxışın təşkilindən söhbət gedə bilməz. Bu, həqiqəti gizlətmək və məlumat almaq hüququnu tapdalayaraq dezinformasiya kampaniyasını gücləndirmək cəhdidir. Vaxtilə ‘dəmir pərdə’ni yıxmaqla öyünən ölkə, indi özü belə bir pərdənin arxasında qalıb”.
