Ermənistan Respublikasının Baş naziri Nikol Paşinyan Tehranda İran İslam Respublikasının Prezidenti Məsud Pezeşkianla görüşüb.
Gündəm24.az xəbər verir ki, Ermənistan Baş nazirinin mətbuat xidmətinin məlumatına görə, Nikol Paşinyan İran İslam Respublikasının Ali Rəhbəri Əli Xameneinin vəfatı ilə əlaqədar bir daha başsağlığı verərək, Ermənistanın İran xalqının kədərini bölüşdüyünü vurğulayıb.
Prezident Məsud Pezeşkian Xameneinin vida mərasimində iştirak etmək üçün Tehrana gəldiyinə görə Nikol Paşinyana təşəkkür edib. O bildirib ki, İran İslam Respublikası Ermənistan hökumətinin çətin dövrdə İrana münasibətdə nümayiş etdirdiyi mövqeyi və göstərdiyi humanitar yardımı yüksək qiymətləndirir.
Məsud Pezeşkian Nikol Paşinyanı parlament seçkilərində qazandığı qələbə münasibətilə təbrik edib və İran-Ermənistan münasibətlərinin bundan sonra da ardıcıl şəkildə inkişaf edəcəyinə və möhkəmlənəcəyinə əminliyini ifadə edib.
Tərəflər regional əhəmiyyətli məsələlər ətrafında da fikir mübadiləsi apararaq, sülhün, sabitliyin və regional əməkdaşlığın gücləndirilməsinə yönəlmiş ardıcıl addımların vacibliyini vurğulayıblar.
Ermənistanın Baş naziri Nikol Paşinyan iyulun 3-də İran İslam Respublikasının mərhum Ali Rəhbəri Əli Xameneinin rəsmi vida mərasimində iştirak etmək üçün İrana səfər edib.
