İran İslam Şurası Məclisininsədri Məhəmməd Baqir Qalibaf ölkəsinin ərazi bütövlüyünə qarşı hazırlanan təxribatlarla bağlı kəskin bəyanatla çıxış edib.
KONKRET.az xəbər verir ki, spiker İranın düşmənlərinin region ölkələrindən birinin dəstəyi ilə İran adalarından birini işğal etmək üçün əməliyyat hazırlığında olduqlarını bildirib.
Qalibaf qeyd edib ki, rəsmi Tehran bu cür cəhdlərə qarşı ən sərt şəkildə cavab verməyə hazırdır. Onun sözlərinə görə, əgər hər hansı bir addım atılarsa, işğal planına dəstək verən həmin regional ölkənin bütün həyati əhəmiyyətli infrastrukturları heç bir məhdudiyyət qoyulmadan İran ordusunun birbaşa hədəfinə çevriləcək.
Məclis sədri vurğulayıb ki, İran öz suverenliyini qorumaq məsələsində qətiyyətlidir və hər hansı bir hərbi müdaxilə cəhdi ağır nəticələrə yol açacaq.\\Musavat.com
