“Ciqan” ləqəbi ilə tanınan rusiyalı repçi Denis Ustmenko Vaynşteyn Moskvadakı evində işçilərini girov götürərək onlara atəş açıb.
Gündəm24.az rus mediasına istinadən xəbər verir ki, hadisə 4 iyula keçən gecə baş verib. Ciqan işçilərini və mühafizəçiləri qonaq otağında toplayaraq onları sui-qəsd, məlumat sızdırmaq və millətçilikdə ittiham edib. Musiqiçi silah gücünə işçilərdən birini özünü yalandan pedofiliyada günahlandırmağa (etiraf etməyə) məcbur edib. İşçi qaçmağa cəhd edərkən isə Ciqan ona atəş açaraq qolundan və ayağından yaralayıb.
Atışma zamanı Ciqanın uşaqları şkaflarda gizlənib və baş verənləri telefonla bloger anaları Oksana Samoylova danışıblar. Ciqan işçilərini təxminən 10 saat ərzində evdə girov saxlayıb.
Qonşuların və tanışların ifaçını sakitləşdirmək cəhdləri əlbəyaxa dava ilə nəticələnib. Reper sonda zərərsizləşdirilib və müalicə alması üçün İsraildəki reabilitasiya mərkəzinə göndərilib.
Şahidlərin sözlərinə görə, reper həmin an sərxoş vəziyyətdə olub.
Zərərçəkənlər polisə şikayət etməyiblər.
Xatırladaq ki, Ciqan və Oksana 2012-ci ilin dekabrında ailə həyatı qurublar. Cütlük 2025-ci ilin payızında boşanmaq qərarı verib və bu il rəsmən ayrılıb.//axşam.az
