Moldova Prezidenti Maya Sandu ölkəsinin MDB-dən çıxdığını elan edən fərman imzalayıb.
Gündəm24.az xəbər verir ki, fərmana əsasən, təşkilatın təsis müqaviləsi, protokolu və təşkilatın nizamnaməsi MDB-nin əsas müqavilələri çərçivəsində ləğv edilib.
Keçən ay Moldova hökuməti MDB-nin əsas müqavilələrini ləğv edib, bu ayın əvvəlində parlament qərarı təsdiqləyib.
Avropa İttifaqına üzvlük üçün müraciət edərkən Moldova əvvəllər MDB-dən çıxma prosesinə başlayıb və MDB daxilində imzalanmış təxminən 70 müqaviləni ləğv etmişdi.
1991-ci ildə keçmiş Sovet İttifaqından ayrılan Moldova 1994-cü ildə MDB-yə qoşulub.
