Türkiyə Prezidenti Rəcəb Tayyib Ərdoğan Qazaxıstana rəsmi dövlət səfərinə gəlib. Bu səfər iki ölkə arasındakı strateji müttəfiqliyin və “Türk dünyası” birliyinin növbəti nümayişi kimi qiymətləndirilir.
Gündəm24.az xəbər verir ki, Türkiyə liderinin təyyarəsi Qazaxıstanın dövlət sərhədini keçdiyi andan etibarən paytaxt Astananın hava limanına enənədək xüsusi ehtiramla qarşılanıb. Belə ki, Ərdoğanın göyərtəsini hava məkanında Qazaxıstan Respublikası Hava Hücumundan Müdafiə Qüvvələrinin qırıcı təyyarələri müşayiət edib.
Qazaxıstan tərəfinin bu addımı dövlət səfərləri protokolunda ən yüksək səviyyəli hörmət və təhlükəsizlik rəmzi hesab olunur. Hava limanında ali qonağın şərəfinə fəxri qarovul dəstəsi düzülüb və yüksək rütbəli rəsmilər tərəfindən qarşılanma mərasimi keçirilib. Səfər çərçivəsində ikitərəfli əməkdaşlığın dərinləşdirilməsi, regional təhlükəsizlik və iqtisadi layihələrin müzakirə olunacağı gözlənilir./NOCOMMENT.az
