İran iki həftəlik atəşkəs rejiminin başa çatdığı gün ABŞ ilə danışıqlar masasına qayıtmaq qərarına gəlib. “Axios”un məlumatlı mənbələrə istinadən yaydığı məlumata görə, rəsmi Tehran İslamabadda keçiriləcək görüşdə iştirak edəcək nümayəndə heyətinin göndərilməsini artıq təsdiqləyib.
Gündəm24.az NOCOMMENT.az-a istinadən xəbər verir ki, İran tərəfi görüşün təsdiqlənməsini SEPAH-ın təzyiqləri səbəbindən bir müddət gecikdirib. Belə ki, İslam İnqilabı Keşikçiləri Korpusu ABŞ tərəfindən Hörmüz boğazının blokadası dayandırılmayana qədər sülh danışıqlarına qarşı çıxaraq sərt mövqe nümayiş etdirib. Buna baxmayaraq, Pakistan, Misir və Türkiyədən olan vasitəçilərin çağırışlarından sonra gərginlik azalıb. Nəticədə, bazar ertəsi axşam saatlarında ölkənin ali rəhbəri Müctəba Xameneyi iranlı diplomatlara danışıqları davam etdirmək üçün rəsmi icazə verib.
