Rusiyanın Krasnodar diyarında yerləşən Tyuapse şəhərində Ukrayna pilotsuz uçuş aparatlarının hücumu nəticəsində tanker və neft infrastrukturu zərər görüb.
Gundem24.az xəbər verir ki, bu barədə bölgənin operativ qərargahı məlumat yayıb. Bildirilib ki, PUA qalıqları gəminin göyərtə hissəsinə düşüb və yanğına səbəb olub. Ekipaj üzvləri təxliyə edilib.
Rəsmilər terminal ərazisindəki binaların və obyektlərin də zədələndiyini təsdiqləyiblər, lakin dəqiq məlumat açıqlamayıblar.
Telegram kanalı Astra yazır ki, şahidlərin lentə aldığı görüntülərə əsasən, limanda azı üç yanğın qeydə alınıb: ikisi “RN-Morskoy terminal Tyuapse” şirkətinə məxsus dərin sulu körpüdə, biri isə Cənub molu yaxınlığındakı neft terminalında baş verib.
Əli Səfərli,
Gundem24.az
