Ötən sutka ərzində Rusiyanın Ukraynanın Xarkov və Sumı vilayətlərinə endirdiyi zərbələr nəticəsində azı 2 nəfər ölüb, 7-si uşaq olmaqla isə 25 nəfər yaralanıb.
Gündəm24.az Ukrayna mediasına istinadən xəbər verir ki, bu barədə yerli hakimiyyət orqanları bildirib.
Xarkov vilayət hərbi administrasiyasının rəhbəri Oleq Sinequbovun sözlərinə görə, Xarkovda və vilayətin daha 29 yaşayış məntəqəsində 2 nəfər ölüb.
“Ötən sutka ərzində Rusiya Silahlı Qüvvələrinin raketlər, idarəolunan aviabombalar və müxtəlif tipli pilotsuz uçuş aparatlarından istifadə etməklə Xarkova və vilayətin 29 yaşayış məntəqəsinə zərbələr endirib; 2 nəfər ölüb, 5-i uşaq olmaqla 18 nəfər xəsarət alıb”, – o qeyd edib.
Ukrayna Milli Polisi isə bildirib ki, Sumı vilayətində bir sutka ərzində 2-si uşaq olmaqla 7 nəfər yaralanıb.
