Xəbər verdiyimiz kimi, instaqramda 3,5 milyondan çox izləyicisi olan rəqqas Nicat Azadlının keçmiş həyat yoldaşı Şəms zorakılığa məruz qaldığı anların görüntülərini paylaşıb.
Gündəm24.az -ın məlumatına görə, Şəms yeni görüntülər yayımlayaraq, evli olduqları müddətdə Nicatın ona xəyanət etdiyini iddia edib. O, rəqqasın tələbəsinin anası ilə münasibətdə olduğunu bildirib.
Şəms paylaşımında bildirib ki, Nicat ona həmin qadınla yazışmalarını özü göstərib:
“Bu insan öz əlləri ilə tələbəsinin anası ilə, iki uşaqlı ana ilə yazışmalarını gətirib mənə göstərdi. Dedi ki, mənim sevgilim var, mən bu qızı sevirəm. Bunu ailəsi də bildi, amma susdu, döymələrinə belə sakit qaldılar.
Yanımda olan, mənə dəstək olan hər kəsə Allah kömək olsun. O insan məhkəməyə verilmişdi, amma mənim bu qədər yaşadığım şeylər 1500 manat cərimə ilə ölçüldü.
Məni qınayanlar da var. Amma o şəxslər bilmir axı… Hər kəs evində bayram keçirəndə o, mənim övladımı bətnimdə öldürdü. Məni övladımın gözü qarşısında dəfələrlə saçımdan tutub sürüyürdü. Ailəsi – anası, atası, bacısı, bütöv ailəsi məni də, övladımı da evdən çıxartdılar.
Raul dəfələrlə travma alıb. Adi bir səs yüksələn kimi qorxub qışqırır. Bu gün bu vəziyyətin hamısına səbəb həmin insandır. Gün ərzində onun məni döydüyü, məni hansı hala saldığı ilə bağlı səs yazıları, şəkillər və videolar paylaşacağam.
Mənim tək istəyim var. Yalvarıram, anasının və Nicatın mənim övladımı öldürməsini 1500 manatla ölçməyin”.
Sosial şəbəkələrdə yayılan görüntülərlə bağlı DİN-in Mətbuat xidmətinin əməkdaşı, polis baş leytenantı Lumu İsrəfilli bildirib ki, sözügedən hadisə cari ilin yanvarın 31-də Suraxanı rayonu, Binə qəsəbəsində ailə münaqişəsi zəminində baş verib:
“Hadisə ilə bağlı polis əməkdaşları tərəfindən araşdırma aparılıb, toplanmış materiallar əsasında cinayət işi başlanılıb. Araşdırmalarla N.Azadlının həyat yoldaşı Ş.Azadlıya fiziki zor tətbiq edərək xəsarət yetirdiyi müəyyən olunub. N.Azadlı Cinayət Məcəlləsinin müvafiq maddəsi ilə təqsirləndirilən şəxs qismində cəlb edilib, barəsində başqa yerə getməmək barədə iltizam qətimkan tədbiri seçilib.
Cinayət işi üzrə istintaq tamamlanaraq ittiham aktı ilə məhkəməyə göndərilib”.
Axşam.az
