ABŞ prezidenti Donald Tramp ölkənin hərbi gücü və beynəlxalq mövqeyi barədə növbəti sərt bəyanatla çıxış edib.
Gundem24.az xəbər verir ki, Tramp Tokioda çıxışı zamanı bildirib:
“Heç bir düşmənin ağlına belə gəlməz ABŞ Hərbi Dəniz Qüvvələrinə təhdid etmək. Belə bir donanma dünyada yoxdur. Heç kimdə bizdə olan güc yoxdur. Əgər kimsə buna cəhd edərsə, amerikalı dənizçilər onları məhv etməyə və tarixdən silməyə hazırdır.”
Tramp çıxışında həmçinin yapon xalqını tərifləyib, lakin özünəməxsus zarafatla qeyd edib:
“Siz inanılmaz insanlarsınız, burada çox gözəl insanlar var. Mən gözəl insanları sevmirəm. Heç vaxt sevməmişəm.”
Prezident etiraf edib ki, gənclik illərində admiral olmaq arzusunda olub:
“Mən həmişə admiral olmaq istəmişəm. Amma bunu başqalarına demə — mənə o forma, ulduzlar və zolaqlar xoşuma gəlir. Onlar çox yaxşıdırlar, mən onlarla rəqabət apara bilməzdim.”
Trampın bu açıqlamaları sosial şəbəkələrdə geniş müzakirələrə səbəb olub.
Əli Səfərli,
Gundem24.az
