Azərbaycan Mərkəzi Bankı (AMB) valyuta mübadiləsi xidməti göstərən “Money Shop” və “MMK-014” MMC-lərin vəzifəli şəxslərini inzibati məsuliyyətə cəlb edib.
Gündəm24.az Report-a istinadən xəbər verir ki, bu barədə AMB məlumat yayıb.
Məlumata görə, qurumun apardığı cari nəzarət prosesləri çərçivəsində valyuta tənzimi qanunvericiliyinin tələblərinin pozulması aşkarlanıb. Odur ki, hər iki şirkətin vəzifəli şəxsləri ayrı-ayrılıqda Bakı Şəhəri Nəsimi Rayon Məhkəməsinin qərarı ilə İnzibati Xətalar Məcəlləsinin 602.4-cü maddəsinə müvafiq olaraq, 1 000 manat cərimələnib.
