Fövqəladə Hallar Nazirliyinin “112” qaynar telefon xəttinə paytaxtın Xətai rayonu, Babək prospekti 10B ünvanında çoxmərtəbəli yaşayış binasında yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Gündəm24.az xəbər verir ki, bu barədə Fövqəladə Hallar Nazirliyinin Mətbuat Xidməti məlumat yayıb.
Bildirilib ki, yanğınsöndürənlərin çevik müdaxiləsi sayəsində on səkkiz mərtəbəli yaşayış binasının elektrik şaxtasında baş vermiş yanğın genişlənməsinə, o cümlədən mənzillərə keçməsinə imkan verilmədən qısa müddətdə söndürülüb. Mənzillər yanğından mühafizə olunub.
Təhlükəsizlik tədbirləri çərçivəsində FHN-in qüvvələri tərəfindən bina sakinləri təxliyə olunub.
00:11
Xətai rayonu, Babək prospekti 10 ünvanında çoxmərtəbəli yaşayış binasında yanğın başlayıb.
Gündəm24.az xəbər verir ki, bu barədə müğənni Nura Suri sosial şəbəkə hesabında video paylaşıb.
Hadisə yerinə FHN-in Dövlət Yanğından Mühafizə Xidmətinin və təcili yardım briqadaları, həmçinin polis qüvvələri cəlb edilib.
Hazırda binadan əhalinin təxliyəsi istiqamətində tədbirlər görülür.
