“Barselona”nın futbolçusu Lamin Yamal PSJ-yə qarşı Çempionlar Liqası oyununda meydana çıxmamalı idi.
Gündəm24.az yerli mətbuata istinadən xəbər verir ki, ispan hücumçu məşqə gec gəlib. Lakin “Barselona” rəhbərliyi baş məşqçi Hansi Flikə Lamini start heyətdə meydana buraxmağı deyib.
Hansi Flik bu qərardan məyus olub və yuxarıdan, xüsusilə də Dekodan gələn təzyiqdən narahatdır. Belə ki, Flik düşünür ki, bu, Rafinya və Markus Reşfordu eyni səbəbdən ehtiyat skamyasına göndərdiyi bu vaxtda komandadakı disiplini poza bilər.
Baş verən hadisələrdən sonra alman mütəxəssis rəhbərliyə onun idarəetməsinə tam şəkildə hörmət etməyi bildirib.
Qeyd edək ki, “Barselona” PSJ-yə 1:2 hesabı ilə uduzmuşdu.
