“Wall Street Journal” (WSJ) yazır ki, Avropa rəsmiləri Ukrayna Prezidenti Vladimir Zelenskinin qarşısında mühüm vəzifə qoyurlar. Onların fikrincə, Zelenski ABŞ prezidenti Donald Trampı müharibənin tezliklə başa çatması üçün Rusiyanın təkliflərindən başqa, daha yaxşı alternativlərin olduğuna inandırmalıdır.
Gündəm24.az xəbər verir ki, ekspertlər hesab edirlər: əgər Zelenski sadəcə olaraq Vladimir Putinin irəli sürdüyü tələbləri rədd edərsə, bu vəziyyət yeni bir siyasi dalana gətirib çıxara bilər. Belə ssenaridə Tramp ilə Zelenski arasında münasibətlərdə gərginlik yarana və fevral ayında müşahidə olunan böhranın təkrarı baş verə bilər.

Analitiklərin qənaətinə görə, Ukraynanın gələcək diplomatik mövqeyi məhz bu danışıqlardan asılı olacaq. Əgər Zelenski Trampı alternativ ssenarilərin real olduğuna inandıra bilsə, Qərbin Kiyevə dəstəyi davam edəcək. Əks halda, ABŞ ilə Ukrayna arasında strateji əməkdaşlıq zəifləyə və müharibənin gedişatında yeni çətinliklər ortaya çıxa bilər.

Səmra İsmayıl,
Gündəm24

Oxunub: 5