ABŞ Prezidenti Donald Tramp və Rusiya Prezidenti Vladimir Putinin Alyaskada baş tutan tarixi görüşü dünya mediasında geniş əks-səda doğurub. Qəzet və agentliklər sammiti müxtəlif rakurslardan şərh ediblər.

Gündəm24.az xəbər verir ki, Wall Street Journal sammiti “tarixi” adlandıraraq yazıb: “Alyaska bu həftəsonu kainatın mərkəzinə çevrildi”.

Washington Post görüş barədə belə yazıb: “Rusiya və ABŞ liderləri uçuş-enmə zolağında qısa və qeyri-adi söhbət apardılar. Bu, onların münasibətlərindəki istiliyi nümayiş etdirdi və Avropada şübhəsiz, narahatlıq yaratdı”.

Bloomberg isə diqqəti başqa məqama yönəldib: “ABŞ və Rusiya sammiti göstərdi ki, Trampın dünyasında Avropanın rolu olduqca azdır”.

Financial Times yazır: “Zelenski və komandası Kiyevdə özünə qapanıb”.

Times isə Ukraynada hökm sürən əhval-ruhiyyəni belə təsvir edib: “Bəzi insanlar gözlərini döyərək, heç nə dəyişməyəcək kimi baxır, digərləri isə mümkün nəticələrdən son dərəcə narahatdır”.

New York Times sammitin Avropa İttifaqı üçün mənfi nəticələrindən bəhs edib: “Ukrayna münaqişəsinin həllinə dair danışıqlarda Aİ-nin rolu ikinci plana keçib… Prezident Tramp, əslində, Putinin diplomatik təcridinə son qoydu”.

Al Jazeera isə görüşü Moskva üçün tarixi uğur kimi qiymətləndirib: “Prezident Putinin böyük qələbəsi”.

Səmra İSMAYIL,
Gündəm24.az

Oxunub: 9