Rusiya XİN rəhbəri Sergey Lavrov bildirib ki, Ukraynanın təhlükəsizlik zəmanətlərinin təmin olunmasında Rusiyanın iştirakı vacibdir. Lavrov qeyd edib ki, bu məsələdə həm Avropa ölkələri, həm ABŞ, həm də Çin və digər beynəlxalq tərəflər bərabər əsaslarla rol oynamalıdır.

Gündəm24.az xəbər verir ki, onun sözlərinə görə, Ukrayna təhlükəsizlik zəmanətləri ilə bağlı danışıqlarda İstanbulda 2022-ci ildə əldə olunan nəticələrə diqqət yetirilməlidir və kollektiv zəmanətlər həqiqətən etibarlı olmalıdır. Lavrov həmçinin bildirib ki, ABŞ Ukrayna böhranının əsas səbəblərini aradan qaldırmaq üçün yollar axtarır, lakin Avropa İttifaqının mövqeyi hələlik yalnız aqressiv gərginlik yaratmaq və Trampın mövqeyini dəyişdirməyə yönəlik cəhdlərlə müşahidə olunur.

Lavrov Moskvanın Ukraynanın təhlükəsizlik zəmanətlərinin təmin olunmasında iştirak etməsini vacib hesab etdiyini vurğulayıb və Rusiyasız ciddi müzakirələrin nəticəsiz olacağını qeyd edib.

Səmra İsmayıl,
Gündəm24.az

Oxunub: 24