İranın “Üfüq” telekanalının eksperti, jurnalist Məhəmməd Təqi Ağayan bölgədə müşahidə edilən şübhəli proseslərlə bağlı xəbərdarlıq edib.

Gündəm24.az xəbər verir ki, o, bu barədə sosial şəbəkə hesabında paylaşım edib.

İranlı ekspert bildirib ki, ABŞ-ın regiondakı hərbi bazaları sürətlə boşaldılır.

Ağayanın sözlərinə görə, bu, yaxın zamanda müharibə ilə bağlı ciddi xəbərlərin gələcəyini göstərir.

“Dünən axşam efirdə xəbərdarlıq etdik, bu gün də təkrar edirəm, bölgədə Amerika bazaları sürətlə boşaldılır. Bu o deməkdir ki, (müharibə ilə bağlı) xəbərlər yoldadır”, – deyə jurnalist vurğulayıb.

Ekspert həmin dəyişikliklərin detalları barədə açıqlama verməsə də, gözlənilən gərginliyin yaxın günlərdə daha da aydınlaşacağı ehtimal olunur.

Mövlam RZALI,
Gündəm24.az

Oxunub: 13