Sky News-un müxbiri Ayvor Bennett-in təhlilinə görə, Alyaskada Donald Tramp ilə keçiriləcək görüşdə Vladimir Putin özünü güzəştə gedirmiş kimi göstərməli olacaq. Bu, Trampın “üz itirməməsi” üçün vacib hesab olunur.

Gündəm24.az xəbər verir ki, Bennett yazır ki, Putin danışıqların ustasıdır və nə istədiyini, buna necə nail olacağını dəqiq bilir. Onun əsas məqsədi Trampı inandırmaqdır ki, sülhə gedən ən qısa yol Rusiyanın şərtləri əsasında razılaşmaqdır. Bunun üçün Kreml rəhbəri sammitdə müəyyən “təklif” irəli sürərək güzəşt görüntüsü yaradacaq.

“Bu təklif Volodimir Zelenski ilə görüş vədi ola bilər. Tramp bu ehtimaldan yenidən danışmağa başlayıb. Amma əgər belədirsə, mən şübhələnirəm ki, bu, qeyri-müəyyən və şərtli bir vəd olacaq. Ağ Ev bunu irəliləyiş kimi təqdim edə bilər, lakin əslində reallaşmaya bilər”, - deyə jurnalist qeyd edir.

Səmra İsmayıl

Oxunub: 6