Ermənistanın müdafiə naziri Suren Papikyanın müşavirlərindən birinin oğlu “kriminal avtoritet” Rüstəm Stepanyanın evinin yaxınlığında 24 yaşlı gəncin qətli ilə bağlı həbs edilib.

Gündəm24.az xəbər verir ki, bu barədə Ermənistan mediası məlumat yayıb.

Bildirilib ki, avqustun 15-də Proşyan kəndində 24 yaşlı D.Mamikon güllə yarası ilə tapılıb. O, xəstəxanaya çatdırılsa da, həkimlər onu xilas edə bilməyiblər.

Qeyd olunur ki, güllələnən şəxs kriminal dairələrlə əlaqəsi olmayıb. Onun hadisə yerində olması və yaralanmasının səbəbləri hələlik məlum deyil.

KİV-in məlumatına görə, hüquq-mühafizə orqanlarının əməkdaşları 3 şübhəlini tapıblar və məhkəmə artıq onları həbs edib. Onlardan biri generalın oğlu Artaşes Tonoyandır.

Mövlam RZALI,
Gündəm24.az

Oxunub: 10