Gündəm24.az-ın FlightRadar24 platformasına istinadən məlumatına görə, Rusiya prezidenti Vladimir Putinin olduğu ehtimal edilən “Tu-214” tipli xüsusi təyyarə bu gün ABŞ hava məkanına daxil olub. Təyyarənin marşrutu və mövcud yeri real vaxt rejimində yayımlandığından, onun hərəkətini izləyənlərin sayı rekord həddə çatıb – hazırda 96 mindən çox insan uçuşu onlayn izləyir.

Məlumata görə, təyyarə ABŞ-ın Alyaska ştatına doğru hərəkət edir. Bu səfər Donald Tramp və Vladimir Putin arasında keçiriləcək görüş çərçivəsində baş tutur. Alyaskada nəzərdə tutulan sammitdə tərəflərin beynəlxalq gündəlikdəki bir sıra mühüm məsələləri, o cümlədən təhlükəsizlik, iqtisadi əməkdaşlıq və regional münaqişələr barədə müzakirə aparacağı gözlənilir.

Alyaska görüşü öncəsi həm ABŞ, həm də Rusiya tərəfdə ciddi təhlükəsizlik tədbirləri görülüb. Uçuş marşrutunun böyük maraq doğurması isə iki liderin görüşünə beynəlxalq mediada və ictimaiyyətdə olan diqqətin göstəricisi kimi qiymətləndirilir.
Canlı
Səmra İsmayıl
Gündəm24.az

Oxunub: 8