ABŞ-ın Ukrayna üzrə xüsusi elçisi Kit Kellog Tramp və Putin arasında Alyaskada keçiriləcək sammitdə iştirak etməyəcək.
CNN-in məlumatına görə, onun iştirak etməməsinə səbəb Moskvanın Kellogu Kiyevə həddindən artıq loyal hesab etməsi və bunun danışıqları çətinləşdirə biləcəyi ehtimalıdır. Bu barədə Tramp administrasiyasındakı yüksək vəzifəli rəsmilərdən biri bildirib.

Gündəm24.az xəbər verir ki, Avropalı diplomatlar Kellogun kənarda qalmasından narahatlıqlarını ifadə ediblər. Onların sözlərinə görə, Kellog Ukraynanın hansı şərtlərə razı ola biləcəyini digər rəsmilərdən daha yaxşı anlayır.

Gözlənilir ki, o, gələcəkdə ABŞ, Rusiya və Ukraynanın iştirakı ilə baş tutacaq növbəti danışıqlarda nümayəndə heyətinin tərkibinə daxil ediləcək.

Səmra İsmayıl
Gündəm24.az

Oxunub: 17