Avropa Komissiyası Ukraynaya Rusiyanın dondurulmuş aktivlərindən istifadə etməklə 140 milyard avro kredit ayırmağı təklif edib.
Gündəm24.az xəbər verir ki, bu barədə “Politico” nəşri məlumat yayıb.
Bildirilib ki, Avropa Komissiyası təklifi Aİ-yə üzv dövlətlərə təqdim edib. Məsələ bu gün Aİ səfirləri səviyyəsində müzakirə olunacaq.
Daha sonra gələn həftə Kopenhagendə keçiriləcək sammitdə Avropa liderlərinin diqqətinə çatdırılacaq.
Komissiya, həmçinin Macarıstanın məhdudiyyətləri bloklama riskini azaltmaq məqsədilə sanksiyaların qəbul qaydalarında dəyişiklik təklif edib.
Yeni təklifə əsasən, yekdillikdən imtina edilərək ixtisaslı səs çoxluğu ilə qərarların qəbul olunması nəzərdə tutulur.
Elay RZAZADƏ,
Gündəm24.az
