Avstriyanın Azərbaycandakı yeni səfiri Ettienn Berxtold diplomatik missiyası dövründə ikitərəfli münasibətləri bütün səviyyələrdə dərinləşdirmək niyyətindədir.
Gündəm24.az xəbər verir ki, bu barədə avstriyalı diplomat “X” sosial şəbəkəsindəki səhifəsində yazıb.
“Bu gün Azərbaycan Prezidenti İlham Əliyevə etimadnaməmi təqdim etmək və güclü ikitərəfli münasibətlərimizin bütün səviyyələrdə daha da dərinləşməsinə töhfə vermək üçün Azərbaycandakı missiyama rəsmi şəkildə başlamaq mənim üçün böyük şərəf idi”, – səfir qeyd edib.
Xatırladaq ki, oktyabrın 5-də Ettienn Berxtold Prezident İlham Əliyevə Azərbaycan dilində müraciət edərək etimadnaməsini dövlət başçısına təqdim edib.
