İrlandiya səmasında SİRLİ cisim: Kosmik zibil, yoxsa meteor?
Gündəm24.az Hürriyet-ə istinadən xəbər verir ki, İrlandiyanın Doneqal qraflığının Buncrana şəhərində gecə səmasında parlaq bir cisim müşahidə olunub.
Oktyabrın 3-də qeydə alınan görüntüdə obyekt bir neçə saniyə ərzində hərəkət edərək arxasında parlaq iz buraxıb. Hadisəni lentə alan fotoqraf Adam Rori Porter əvvəlcə bunun fişəng olduğunu düşündüyünü bildirib.
Görüntülərin yayılmasından sonra cismin meteor və ya kosmik zibil ola biləcəyi ehtimalı irəli sürülüb. Xüsusilə peyk və ya kosmik aparat qalıqlarının atmosferə daxil olarkən parçalanması zamanı buna bənzər parlaq izlər yarana bilər.
Lakin hazırda obyektin dəqiq mənşəyi müəyyən edilməyib və onun konkret olaraq meteor, kosmik zibil və ya başqa bir atmosfer hadisəsi olduğu təsdiqlənməyib.
Sədaqət Həsənova
Gündəm24.az
