Giriş sahəsi və pəncərələr zədələnib. Heç kim xəsarət almayıb.
Gündəm24.az xəbər verir ki, NOS televiziyasının yaydığı məlumata görə, Hollandiyada siyasi gərginlik təhlükəli həddə çatıb. Naməlum şəxs Baş nazir Rob Jettenin rəhbərlik etdiyi D66 partiyasının Haaqadakı qərargahının poçt qutusuna partlayıcı qurğu atıb. Güclü partlayış nəticəsində binanın giriş hissəsi və pəncərələri zədələnib.
Hadisə zamanı qərargahda təxminən 30 nəfərin olduğu bildirilsə də, xoşbəxtlikdən xəsarət alan olmayıb. Polis partlayışdan təxminən bir saat sonra şübhəli şəxsi saxlayıb və araşdırmalara başlayıb.
Baş nazir Rob Jetten hadisəni “qorxaqcasına hədə-qorxu aktı” adlandırıb. O, operativ müdaxiləyə görə polis və yanğınsöndürmə xidmətinə təşəkkür edib. Hadisə Hollandiya siyasətində təhlükəsizlik məsələlərini yenidən gündəmə gətirib.
Sədaqət Həsənova
