Hər il yanvarın üçüncü bazar ertəsi günü “ilin ən depressiv günü” adlandırılan Mavi Bazar ertəsi yenidən xəbər başlıqlarına çıxır. Bu gün bir çox insan özünü daha bədbəxt, yorğun və ümidsiz hiss edir. 2026-cı ildə Mavi Bazar ertəsi 19 yanvar Bazar ertəsi gününə təsadüf edir. Mavi Bazar ertəsi nədir və necə yaranıb?
Gündəm24.az xəbər verir ki, “İlin ən depressiv günü” kimi tanınan Mavi Bazar ertəsi hər il yanvarın üçüncü bazar ertəsi günü qeyd olunur. 2026-cı ildə bu gün 19 yanvar bazar ertəsinə təsadüf edir və iddialara görə insanlar özlərini daha bədbəxt, yorğun və ümidsiz hiss edirlər.
Mavi Bazar ertəsi konsepsiyası ilk dəfə 2005-ci ildə bir turizm şirkətinin marketinq kampaniyası çərçivəsində təqdim olunub. Kampaniya üçün işləyən psixoloq Dr. Cliff Arnall ilin “ən bədbəxt gününü” hesablayan bir düstur hazırladığını iddia etmişdir. Düstur iqtisadi çətinliklər, motivasiya səviyyəsi, qış havası və il ərzində keçən vaxt kimi amilləri birləşdirir.
Əksər ekspertlər isə Mavi Bazar ertəsinin heç bir elmi əsası olmadığını vurğulayır və bu konsepsiyanın daha çox marketinq və kommersiya hiyləsi olduğunu bildirirlər. Bəzi insanlar bu dövrdə həqiqətən daha bədbəxt hiss edə bilsələr də, mütəxəssislər əslində təsirin insanların bu günə verdiyi mənadan və fiziki yorğunluqdan qaynaqlandığını bildirirlər.
Psixoloqlar həmçinin xəbərdarlıq edirlər ki, əgər bədbəxtlik və motivasiya çatışmazlığı uzun müddət davam edirsə, ruhi sağlamlıq mütəxəssisindən dəstək almaq vacibdir.
Sədaqət Həsənova
