Daha əvvəl Axios məlumat vermişdi ki, NATO-nun baş katibi Mark Ruttenin ABŞ prezidenti Donald Trampa təklif etdiyi Qrenlandiya ilə bağlı saziş layihəsində Danimarkanın 1951-ci il müdafiə müqaviləsinin şərtlərini yeniləyərkən ada üzərində suverenliyini saxlaması nəzərdə tutulur.
Gündəm24.az xəbər verir ki, TASS agentliyinin məlumatına görə, NATO-nun baş katibi Mark Rutte Davosda Trampla görüşündə Qrenlandiyanın suverenliyi ilə bağlı heç bir güzəşt təklifi vermədiyini açıqlayıb. Əvvəlki xəbərlərdə Ruttenin ABŞ-a təqdim etdiyi layihədə Danimarkanın ada üzərində suverenliyini saxlaması nəzərdə tutulduğu bildirilmişdi.
Tramp isə Davosdakı çıxışında Qrenlandiyanı əldə etmək niyyətində olduğunu, lakin buna güc yolu ilə nail olmayacağını bildirib və AB ölkələrinə qarşı tariflərin fevralın 1-dən tətbiq olunmayacağını açıqlayıb. O, həmçinin Qrenlandiyanın ABŞ üçün milli təhlükəsizlik və “Qızıl Günbəz” raketdən müdafiə sistemi baxımından vacib olduğunu vurğulayıb.
Qrenlandiya Danimarkanın muxtar ərazisi olaraq qalır və 1951-ci il Müdafiə Sazişinə əsasən ABŞ adanın təhlükəsizliyini təmin etmək öhdəliyi götürüb.
Sədaqət Həsənova
