Rus Pravoslav Kilsəsinin Patriarxı Kirill bildirib ki, Rusiya Silahlı Qüvvələri hərbi əməliyyatlar zamanı “öldürmə” əmrini pozmur, əksinə onu yerinə yetirir və beləliklə “şeytana qarşı dururlar”.
Gündəm24.az xəbər verir ki, patriarx Kirillin sözlərinə görə, “Hərbi və mənəvi qəhrəmanlıq yalnız yan-yana qoyulmur, onlar bərabər tutulur və biri digərindən ayrı deyil. Bəziləri ‘Öldürmə əmrinə necə əməl olunur?’ deyə soruşa bilər. Bu suala cavab sadədir: əgər şər insanların həyatına təhlükə yaradır, düşmən yaşlıları, uşaqları, qadınları hədələyirsə, onda hərəkətsizlik yolverilməzdir. Bu halda şərə qarşı durmamaq birbaşa qətlin köməkçiliyi sayılır.”
O əlavə edib ki, vətəni müdafiə edən və “zəifləri, müdafiəsizləri qoruyan” hərbçi əslində ilahi əmr və qaydaları yerinə yetirmiş olur.
Əli Səfərli,
Gündəm24.az
