Rusiya Müdafiə Nazirliyi Ukraynada müdafiə sənayesi obyektlərinə genişmiqyaslı zərbələr endirildiyini açıqlayıb.
Gündəm24.az Reuters-ə istinadən xəbər verir ki, Rusiya Müdafiə Nazirliyinin məlumatına görə, gecə saatlarında yüksək dəqiqlikli silahlar və PUA-larla “Flamingo” qanadlı raketlərinin və dronların istehsal edildiyi və saxlanıldığı obyektlər hədəfə alınıb.
Bildirilib ki, Kiyev, Çerniqov, Kirovoqrad, Dnepropetrovsk, Poltava və Xarkov vilayətlərindəki hərbi obyektlər, həmçinin Odessa bölgəsində liman və gəmi təmiri infrastrukturu vurulub.
Rusiya Müdafiə Nazirliyi hücumların Ukraynanın Rusiya neft emalı zavodlarına zərbə endirmək təhdidlərinə cavab olduğunu bildirib.
Sədaqət Həsənova
Gündəm24.az
