Şirazlı kəndi – Vedibasar mahalının qədim Azərbaycan yurdu
Şirazlı kəndi Qərbi Azərbaycanın Vedibasar mahalında, keçmiş Vedi rayonu ərazisində yerləşən qədim Azərbaycan kəndlərindən biridir. Tarixi mənbələrdə kəndin adı XIX əsrdən etibarən qeyd olunur və uzun illər burada əsasən azərbaycanlı əhali yaşamışdır.
Kənd əlverişli coğrafi mövqeyi, münbit torpaqları və kənd təsərrüfatı üçün yararlı əraziləri ilə seçilirdi. Şirazlı sakinləri əsasən əkinçilik, üzümçülük, bağçılıq və maldarlıqla məşğul olur, bölgənin iqtisadi həyatında mühüm rol oynayırdılar.
Şirazlı kəndində Azərbaycan xalqının milli adət-ənənələri, folkloru və mənəvi dəyərləri nəsildən-nəslə ötürülmüşdür. Kənddə fəaliyyət göstərən məktəb, məscid və digər ictimai obyektlər yerli əhalinin sosial və mədəni həyatında mühüm yer tuturdu.
1988-ci ildə Qərbi Azərbaycanın digər yaşayış məntəqələri kimi Şirazlı kəndinin azərbaycanlı sakinləri də doğma yurdlarından deportasiya edilmiş, kəndin demoqrafik tərkibi dəyişdirilmişdir. Buna baxmayaraq, Şirazlı Vedibasar mahalının qədim Azərbaycan kəndlərindən biri kimi tarixi mənbələrdə və sakinlərinin yaddaşında yaşamaqdadır.
Qərbi Azərbaycan İcması Sumqayıt Nümayəndəliyi
Ramiz İsmayılov
