Burcu Güneş ilə İrem Derici arasında sosial mediada başlayan dava məhkəməyə verilib. Güneş İrem Dericini “ruhi xəstə” adlandırdığına görə 250.000 türk lirəsi təzminat tələb edir.
Gündəm24.az xəbər verir ki, Türkiyə şou-biznesində qalmaqal böyüyür. Müğənnilər İrem Derici ilə Burcu Güneş arasında sosial mediada başlayan gərginlik indi məhkəmə müstəvisinə keçib. Burcu Güneş, Dericinin paylaşımında onu “ruhi xəstə” adlandırdığını bildirərək 250 min türk lirəsi məbləğində mənəvi təzminat tələb edib.
Mübahisə Emre Altuğun albom təqdimatından sonra başlayıb. Burcu Güneşin Demet Akalını sərt tənqid etməsinə İrem Derici sosial şəbəkədə “Sus!” paylaşımı ilə cavab verib. Daha sonra tərəflər arasında söz savaşı qızışıb və Derici paylaşımında Güneş haqqında ağır ifadələr işlədib.
Burcu Güneş məhkəməyə təqdim etdiyi ərizədə həmin sözlərin təhqiredici və alçaldıcı xarakter daşıdığını bildirib. O, paylaşım səbəbindən ciddi mənəvi sarsıntı keçirdiyini və şəxsi hüquqlarının zədələndiyini qeyd edib.
Qalmaqalın daha da diqqət çəkməsinə səbəb olan məqamlardan biri isə İrem Dericinin son açıqlaması olub. Müğənni son vaxtlar ödədiyi kompensasiyalar səbəbindən artıq pulunun qalmadığını deyərək gündəmə gəlib.
Sədaqət Həsənova
