Hərbi xidmət zamanı sağlamlığında qəfil problemlər yaranan kifayət qədər əsgər var. Məsələnin maraqlı tərəfi isə ondan ibarətdir ki, belə halda onlar vaxtından əvvəl tərxis olunur və “hərbiyə yararsız” kimi hərbi bilet alırlar.
İnsan sağlam şəkildə xidmətə gedib, xəstə qayıdırsa, niyə adi qaydada hərbi bilet almır?
Gündəm24.az Globalinfo.az-a istinadən xəbər verir ki, hərbi ekspert Ədalət Verdiyev deyib ki, sağlamlığında yaranan problemlər nəticəsində hərbi xidmətdən vaxtından əvvəl tərxis olunanlar hərbi qeydiyyata götürülmürlər.
Onun bildirib ki, hətta həmin şəxslər yararsız olduqlarına görə hərbi xidmətdən tərxis olunduqları üçün müvafiq qaydada ehtiyat hərbi qulluqçular siyahısına da daxil edilmirlər:
Ədalət Verdiyev
“Çünki bu kateqoriyada olanlar sonradan müxtəlif təlimlərə və hərbi toplanışlara cəlb edilə bilərlər. Xəstəliyi və ya sağlamlığında müəyyən problemi olan insanların isə bu təlimlərə cəlb edilməsi qadağandır”.
Hərbi ekspert deyib ki, sağlam şəkildə hərbi xidmətə yollanıb, hərbi xidmət dövründə əldə edilən xəstəliyə görə müvafiq prosedurlar həyata keçirilir:
“Bu şəxslərin əldə etdiyi xəstəlik əlillik səviyyəsinə uyğun gəlirsə, onlara hərbi xidmət dövründə əlil olan şəxs kimi müavinət təyin olunur. Yox, əgər xəstəliyə qismən ziyan dəyibsə, o zaman əlilliyə görə deyil, yalnız İcbari Tibbi Sığorta tərəfindən hərbi qulluqçuya ödənişlər edilir”.
