Tarix Əliyevə yeni vəzifə verilib.
Gündəm24.az AzTimes.az-a istinadla xəbər verir ki, bu barədə prodüser və aparıcı Ülviyyə Alovlu şəxsi “Facebook” hesabında paylaşım edib.
O bildirib ki, Tarix Əliyevin (Tolik) aparıcısı olduğu verilişin hazırda 11 sponsoru var. Məlumata görə, sponsorların itirilməməsi üçün Space TV-nin rəhbəri Vado Tarix Əliyevlə razılığa gəlib.Razılaşmaya əsasən, gələn həftədən etibarən verilişin adı dəyişdiriləcək. Tarix Əliyev isə kanalda musiqi departamentinin rəhbəri vəzifəsinə təyin olunacaq.
Məsələ ilə bağlı hələlik rəsmi açıqlama verilməyib.
Qeyd edək ki, Tarix Əliyevin (Tolik) “Tarixin bu günü” və Elgiz Əkbərin “Elgizlə izlə” verilişləri bağlanıb. ARB kanalında “Elgizlə izlə”nin yayımı bugündən dayansa da, Tolikin verilişi hazırda Speys TV-də yayımlanır. Tolikə canlı yayım qadağan edildiyi üçün o, verilişlərini lentə alıb. Hazırda efirə gedənlər lentə alınanlardır və cümə günü Tarix Əliyev tamaşaçıları ilə vidalaşacaq. Onun yerinə Könül Muxtarova efirə çıxacaq və verilişin adı da dəyişdiriləcək.
