Qadağa qanunun qüvvəyə minməsindən altı həftə sonra tətbiq olunmağa başlayacaq.
Gündəm24.az xəbər verir ki, Avropa İttifaqı 2027-ci ildən Rusiya qazının idxalına tam qadağa qoyub. Mayeləşdirilmiş qaz 1 yanvar, boru kəməri qazı isə 30 sentyabrdan dayandırılacaq; qadağanı pozan fiziki şəxslər minimum 2,5 milyon, şirkətlər isə ən azı 40 milyon avro cərimə ilə üzləşəcək. Mövcud müqavilələr üçün keçid dövrü olacaq və mərhələli tətbiq bazarlara təsiri yumşaldacaq.
Üzv ölkələr 1 mart tarixinədək qaz tədarükünü şaxələndirmək üçün milli planlar hazırlamalı, mövcud Rusiya qazı müqavilələri barədə hakimiyyət orqanlarına məlumat verməlidirlər. Bu addım Aİ-nin enerji təhlükəsizliyini gücləndirmək və Rusiyadan asılılığı azaltmaq strategiyasının mühüm hissəsi hesab olunur.
Sədaqət Həsənova
