İranla əlaqəli hakerlər son zamanlar Birləşmiş Ştatların su təchizatı, energetika, telekommunikasiya və digər həyati əhəmiyyətli kritik infrastruktur obyektlərinə kütləvi kiberhücumlar həyata keçiriblər.
Gündəm24.az musavat.com-a istinadən xəbər verir ki, bu barədə “NBC News” telekanalı rəsmi mənbələrə istinadən məlumat yayıb.
Kiberhücumların əsas hədəfi internetə qoşulmuş sənaye idarəetmə sistemləri, xüsusən də su təchizatı obyektləri olub. ABŞ rəsmilərinin verdiyi məlumata görə, hücumlara 100-dən çox su təchizatı və çirkab suların təmizlənməsi müəssisəsi məruz qalıb.
Bununla belə, Amerika hakimiyyət orqanlarının nümayəndələri sözügedən kiberhücumlar nəticəsində kritik infrastrukturların fəaliyyətində hər hansı ciddi dayanma və ya ciddi nasazlığın baş vermədiyini bildiriblər.
