Hörmüz boğazında GƏRGİNLİK: konteyner gəmisinə hücum

Gündəm24.az TASS-a istinadən xəbər verir ki, Hörmüz boğazında konteyner gəmisinə hücum baş verib, lakin ekipaj üzvləri xəsarət almadan xilas olub. Böyük Britaniyanın Dəniz Ticarət Əməliyyatları İdarəsi hadisənin Oman sahillərindən təxminən 15 dəniz mili şimal-şərqdə qeydə alındığını açıqlayıb və insident nəticəsində yanğın və ya ekoloji zərər barədə məlumat olmadığını bildirib.

Gəmi kapitanının sözlərinə görə, hücumda iştirak etdiyi iddia olunan İran Hərbi Dəniz Qüvvələrinə məxsus gəmi əvvəlcədən heç bir radio əlaqəsi yaratmadan atəş açıb. Nəticədə ticarət gəmisinin idarəetmə hissəsi ciddi zədələnib, hadisə ilə bağlı araşdırmalar davam edir.

Sədaqət Həsənova

Gündəm24.az