İran bu həftə üçüncü tərəfin vasitəçiliyi ilə keçirilən görüşdə Amerika rəsmilərinə öz təkliflərini təqdim edib.
Gündəm24.az xəbər verir ki, məlumatı “The Washington Post” qəzeti İranın xarici işlər naziri Abbas Əraqçiyə istinadən yayıb:
“İran Tramp administrasiyasına Hörmüz boğazını yenidən açmağı və tammiqyaslı müharibəyə son qoymaq üçün danışıqları yeddi gün ərzində bərpa etməyi nəzərdə tutan təklifi çatdırıb”.
BMT Baş Assambleyasının kənarında bir qrup jurnalist və ekspertə danışan İran xarici işlər nazirinin sözlərinə görə, hazırkı təklif tərəflərin iyun ayında razılaşdırdığı anlaşma memorandumuna bənzəyir. Təklifə əsasən, ABŞ danışıqları bərpa etmək və boğazı yenidən açmaq üçün yeddi gün ərzində müəyyən şərtləri yerinə yetirməlidir.
CNN aydınlaşdırıb ki, ABŞ-ın şərtləri yerinə yetirməli olduğu yeddi günlük müddət Vaşinqtonun İranın təklifini qəbul etməsindən sonrakı gün başlayacaq.
İran xarici işlər naziri bildirib ki, onlar Vaşinqtonun cavabını gözləyirlər.
Əraqçi qeyd edib ki, Tehran tələsmir, lakin ABŞ-ın razılaşıb danışıqları noyabrın əvvəlində keçiriləcək ara seçkilərdən əvvəl bərpa etməsinin daha yaxşı olacağına inanır.
Adı açıqlanmayan ABŞ rəsmisi jurnalistlərə bildirib ki, ABŞ “üçüncü tərəflərin vasitəçiliyi ilə İranla müsbət və konstruktiv danışıqlar” aparır: “ABŞ Hörmüz boğazına nəzarət edərək çox güclü mövqe tutur, ona görə də biz tələsmirik. Dünən gecə boğazdan təxminən 22 milyon barel neft yola düşüb”.//musavat.com
