Qubernator Aleksandr Xinşteyn hadisə yerində təcili yardım xidmətlərinin işlədiyini bildirib.
Gündəm24.az xəbər verir ki, TASS agentliyinin məlumatına görə, Ukrayna ordusu Kursk vilayətinin Seymski rayonunda yerləşən avtomobil servis mərkəzinə pilotsuz uçuş aparatı ilə hücum edib. Hücum nəticəsində bir nəfər ölüb, üç nəfər yaralanıb. Bu barədə vilayətin qubernatoru Aleksandr Xinşteyn məlumat verib.
Qubernatorun sözlərinə görə, hücum zamanı 25 yaşlı avtomobil servis işçisi həlak olub. Daha üç nəfər – o cümlədən iki müştəri qəlpə yaraları alıb. Yaralılara hadisə yerində ilkin tibbi yardım göstərilib, daha sonra onlar Kursk regional xəstəxanasına çatdırılıblar.
Aleksandr Xinşteyn bildirib ki, təcili yardım və operativ xidmətlər hadisə yerində çalışır, Kursk meri də əraziyə gəlib. Ölən şəxsin ailəsinə və yaxınlarına lazımi dəstəyin göstəriləcəyi qeyd olunub.
Sədaqət Həsənova
