Aleksandr Drozdenkonun sözlərinə görə, Primorsk limanındakı neft çənləri ətrafında yanğının söndürülməsi əməliyyatları davam edir.
Gündəm24.az TASS-a istinadən xəbər verir ki, Leninqrad vilayətində Rusiyanın hava hücumundan müdafiə qüvvələri Ukraynanın pilotsuz təyyarələrinin hücumunu dəf edərək 70-dən çox hava hədəfini məhv edib. Vilayətin qubernatoru Aleksandr Drozdenko bildirib ki, insident zamanı itki olmayıb.
Primorsk limanındakı neft çənləri ətrafında baş verən yanğınsöndürmə əməliyyatları davam edir və 10-dan çox yanğınsöndürmə briqadası və texnika cəlb olunub.
Leninqrad vilayətinin rayonlarında pilotsuz təyyarələrin qalıqlarını tapmaq üçün axtarış-xilasetmə qrupları işləyir və qubernator yaxınlaşmanın həyati təhlükə daşıdığını vurğulayıb. Yerli sakinlər isə tapdıqları hissələr barədə 112 nömrəsinə zəng edə bilərlər.
Sədaqət Həsənova
