Ukraynada cəbhə xəttində, xüsusilə Donbas istiqamətində şiddətli və qanlı döyüşlər davam edir. Rusiya Silahlı Qüvvələrinin hücum əməliyyatlarını intensivləşdirməsi nəticəsində daha bir strateji nöqtənin ələ keçirildiyi bəyan edilib.
Gündəm24.az xarici mətbuata istinadən xəbər verir ki, bu barədə Rusiya Müdafiə Nazirliyi özünün rəsmi gündəlik hesabatında məlumat yayıb.
Rusiya hərbi idarəsinin rəsmi bəyanatına görə, ordu birləşmələrinin həyata keçirdiyi uğurlu taktiki hücum əməliyyatları nəticəsində Donetsk vilayətinin Artema yaşayış məntəqəsi tamamilə Rusiya hərbçilərinin nəzarətinə keçib. Ukrayna bölmələrinin geri çəkilməyə məcbur edildiyi və ərazidə möhkəmlənmə işlərinin aparıldığı bildirilir.
Digər tərəfdən, Ukrayna tərəfi və müstəqil hərbi analitiklər bu istiqamətdə döyüşlərin olduqca ağır şəraitdə keçdiyini, qarşı tərəfin böyük canlı qüvvə və zirehli texnika itkisi hesabına irəliləməyə çalışdığını qeyd edirlər. Hazırda Donetsk cəbhəsində qarşılıqlı artilleriya zərbələri və mövqe döyüşləri aktiv fazada davam etməkdədir.//NOCOMMENT.az
