Sumqayıt şəhərində çəyirtkələrin sayının yenidən artdığı müşahidə olunur.
Gündəm24.az bildirir ki, bu barədə Sumqayit24.az-a yerli sakinlər məlumat veriblər.
Onların sözlərinə görə, şəhərin müxtəlif ərazilərində yenə çəyirtkələrə tez-tez rast gəlinir.
Sakinlər bildiriblər ki, bu dəfə müşahidə olunan çəyirtkələr əvvəlkilərlə müqayisədə daha iridir.
Vətəndaşların sözlərinə görə, çəyirtkələrin sayının artması ərazidə hərəkətə mane olur və sakinlər üçün narahatlıq yaradır.
Onlar vəziyyətin qarşısının alınması üçün aidiyyəti qurumlardan yenidən dezinseksiya işlərinin aparılmasını xahiş edirlər.
Qeyd edək ki, redaksiyamız müxtəlif vaxtlarda Sumqayıtda çəyirtkələrin artması ilə bağlı sakinlərin şikayətlərini işıqlandırıb.
