Türkiyədə toyda çiçək tutmaq yarışı qəza ilə bitib.
Gündəm24.az xəbər verir ki, Türkiyənin Balıkəsir şəhərində keçirilən toy mərasimində gəlinin arxasına atılan buketi tutmaq istəyən gənc nəzarəti itirərək gəlinin üzərinə yıxılıb.
Toyun sonunda ənənəvi çiçək atma mərasimi zamanı qeyri-adi hadisə baş verib. Gəlin əlindəki buketi arxasında dayanan qonaqlara doğru atıb. Buketi havada tutmağa çalışan gənc isə tarazlığını itirərək birbaşa gəlinin üzərinə yıxılıb.
Zərbənin təsirindən gəlin yerə yıxılıb. Hadisə zalda olan qonaqlar arasında qısa müddətli təşvişə səbəb olub. Ətrafdakılar dərhal gəlinin köməyinə gəlib və onu ayağa qaldırıblar.
